Kultur

Ny roman av Jon Fosse

Til hausten kjem den første nye romanen av Jon Fosse etter at han fekk Nobelprisen i litteratur i 2023. Den skal heite «Vaim».

Jon Fosse har skrive ein ny roman, «Vaim».
Jon Fosse har skrive ein ny roman, «Vaim». Den kjem i 2025, og er første bok i ein ny trilogi.
Gerd Elin Stava Sandve Journalist
Publisert Sist oppdatert

Ifølge Jon Fosse sitt forlag, Samlaget, vil romanen «Vaim» kome ut i samband med at Den internasjonale Fosse-festivalen opnar.

Det vil vere den første boka i ein trilogi. Den neste heiter «Vaim Hotell» og kjem i 2026, den tredje «Vaim Vekeblad», med publisering 2027.

Fosse skal ha starta på Vaim-sogene allereie før han fekk Nobelprisen i litteratur, men har skrive ferdig bøkene etter tildelinga. Vaim er namnet på ein oppdikta stad, ei bygd med butikk, hotell og avis. Forteljingane følger ulike folk som bur der.

I første bok handlar det ifølge Samlaget om Jatgeir, som tek seg ein tur ut i båten sin, og kjem heim med ungdomskjærasten Eline.

Den førre romanserien av Jon Fosse, var sjuboksverket «Septologien», som her heime kom ut fordelt på tre band i 2019, 2020 og 2021. «Septologien» var ein av dei viktigaste grunnane til at den norske forfattaren fekk Nobelprisen.

Jon Fosse (f. 1959)

  • Norsk forfattar, dramatikar, lyrikar, og omsetjar. Fekk Nobelprisen i litteratur i 2023.
  • Har skrive over sytti bøker i så godt som alle sjangrar: Romanar, skodespel, forteljingar, diktsamlingar, barnebøker og essay.
  • Omsett til over femti språk. Nobelprisen gjer at stadig fleire av bøkene hans blir omsett til stadig fleire.


Gerd Elin Stava Sandve
Gerd Elin Stava Sandve
Journalist
litteratur kultur forfatter bøker bok nyheter
Powered by Labrador CMS