Eit ja frå Stortinget kan vere i strid med lova

Tidleg i desember blei regjeringspartia einige med Høgre og Framstegspartiet om å opne store delar av den norske kontinentalsokkelen for mineralutvinning.

Eit slikt vedtak kan vere i strid med lova, vil heilt sikkert vere i strid med forsvarleg ressursforvalting og kan vere skadeleg for tilliten til politikken.

Bakgrunnen er at kunnskapsgrunnlaget er så dårleg at det i alle fall nærmar seg den nedre grensa i lova. Rett nok understrekar statsråden i meldinga til Stortinget at utviklinga skal gå føre seg «stegvis», og det stemmer: Opning av eit område er steg éin, deretter kjem utforsking, utvinning og til slutt produksjon – slik er systemet etter lova.